تبلیغات
چیهال - حق‌گوشیں شاعر، مولوی عبدالحق حقانی
چیهال
سبزبات بلوچی باندا نه مروچی


مرتبه
وهد : چهارشنبه 6 خرداد 1394

مولوی عبدالحق دُرّازهی معروف بہ حقّانی درمحمّدءِ چُک اِنت. واجہ حقّانی ماں سال 1350 ہ. ق. چہ مات بوت. حقّانی ماں مستضعفېں (غریبېں) لۏگے مزن بوت. شش سالگیءِ تۏکءَ چہ ماتءِ ساهگءَ زبهر بوت. ماں پانزدہ سالگیءَ وتی دینی تحصیلاتے ماں خدا آبادان ِ پنجگور (پاکستان) مدرسہ دینی «عربیہ اسلامیہ منبع العلوم»ءِ تهءَ «قاضی نور محمد زامرانی»ءِ گْورءَ کہ چہ مزنېں عالمانِ فارغ التحصیل دارالعلومِ دیوبندءُ پاکستانءِ قاضیاَت، بنگېج کرت ءُ رند چہ مقدماتی درسانی دربرگءَ ماں سے سالءِ وهدءَ، ارادهءَ کنت کہ چہ هندوستانءِ مزنېں عالمان فایدگ بگِیرت، پمېشکا وتی تحصیلاتءِ ادامہءَ مہ مدرسہ دینی «مولانا ابراهیم بلۏچ» مشهور بہ «اولیاء» ماں «جام ننگر» هندءَ شروع کنت، رندءَ

چہ اۏداں دېم پہ دهلیءَ رَوت ءُ رند چہ یک سالے درس پېش مولانا حامد حسین کہ اے زمان برۏبر بیت گۏں مسلمانانی مبارزات علیه هند پہ هندوستانءِ آجوئی ءَ چہ انگرېز ءِ استعمارءَ، پمېشکا اے واجہ هم پہ عضویتِ «جمعیة العلماء هند» درءَ کـَیت. ماں سال 1363ہ ق پہ دیوبندءَ روت ءُ چہ مولانا حسیناحمد مدنی، مولانا قاری محمّد طَیّب، مولانا اعزاز علی ءُ مولانا عبدالحقّ کشمیری فیض حاصلءَ کنت. رندءَ پہ پاکستان برگردیت ءُ بہ علّتء سیم سرانی مهر دارگءَ نتْوانت کہ پہ هندوستان بر بگردیت، نوں پہ وتی ملک ایران واترّ کنت ءُ نسبت بہ اجتماعی مسایل، ظالمانی ظلمءِ بیان ءُ حقّ ءِ احقاق ءَ شعر بندیتءُ وانیت کہ عالماں آئیءِ لچّهانءَ پسند کننت ءُ آئیءَ حقّانی لقب دیَنت.

واجہ حقّانی وتی لچّهگْوشیءَ ماں هشت سالگی کہ هنگت سوادَے نداشتگ بنگېجءَ کنت.

واجہ حقانیءِ شعراں گېشتر پنت ءُ نصیحت، اجتماعی، اخلاقی ءُ... اَنت. واجہ در 17/4/1378 ہ ش ماں زاهدانءِ نادراهجاہ «خاتم الأنبیاء» ءَ

جمعہءِ رۏچءَ بہ علّت سکتهی قلبی اے کوڑهاېں دنیاءَ یلہ دات کہ آئی جنازہ پہ سراواں یارگ ءُ ماں جَهلېں قبرستانءَ کہ دېم پہ آسپیچءِ راہ اِنت پہ خاک تحویل دَیَگ بوت. خداءِ رحمت آئیءِ سر رگام بگْواراِیت. آمین.

نبیسوك: مولوی عبدالكریم حسین پور




بُن گپ: بلوچانی زانتكار،عالمءُ بهادران، 
ٹَـپـّه یاں : علمای بلوچ، شخصیت‌های بلوچ، نام‌آوران بلوچستان، علمای اهل‌سنت، علمای ایران، بلوچی نبشتانك، بلوچ،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ