تبلیغات
چیهال - مولانا عبدالحمید: صحابه همایان أنت كه بهشتءِ بشارت دیگ بوت أنت
چیهال
سبزبات بلوچی باندا نه مروچی


مولانا عبدالحمید: صحابه همایان أنت  كه بهشتءِ بشارت دیگ بوت أنت

شیخ الاسلام مولانا عبدالحمیدءَ گوں صحابهءِ صفاتءِ بیان كنگءَ آیانی "نیكیں انساں" زانت كه بهشتءِ ‌بشارت، چه اللهءِ نیمگءَ دیگ بوتگ أنت.

زاهدانءِ اهلسنتءِ جمعهءِ‌پیشنمازءَ، جمعهءِ(11بهمن1392)ءِ گپاں گوں إے آیهءِ وانگءَ«یَا أَیُّهَا الَّذِینَ آمَنُواْ اتَّقُواْ اللّهَ وَكُونُواْ مَعَ الصَّادِقِینَ »[توبه: 119] بنگیج كت أنت و پرمائینتی: صحابه- رضی الله عنهم-پیغمبرءِ یار و همراه و اهل بیت أنت. صحابه واهل بیت همایان أنت كه اسلامی امتءَ نتوانتگ كه آیانی حقءَ ادا بكنت، پچے كه آیاں هنچیں زحمت كش إتگ كه هچ كس آیانی وڑءَ قربانی دات نكنت. پیسر چه هجرتءَ چینچو مشقت برداشت إش كت؟ لهتے چایاں دو هجرت كت چوشكه حضرت عثمان -  رضی الله عنه -كه گوں یك گروهے چه صحابیاں اولی رندءَ په حبشه ودومی رندءَ په مدینهءَ هجرت إش كت. همے واستا إے اصحاب په «ذوالهجرتین» معروف أنت.

مولانا عبدالحمیدءَ پرمائینت: هجرت كنگ و وتی ملك و جاگاه و كعبهءَ یله دیگ، آسانیں كارے نه أت. اگاں تاریخءَ‌ بچارإیں گندإیں كه صحابه - رضی الله عنهم-ماں چونیں جاور و شرایطےءَ چه پیغمبر- صلی الله علی وسلم-ءَ دیمپانی إش كت.

زاهدانءِ اهلسنتءِ‌جمعهءِ پیشنمازءَ گوں إے مطلبءِ پرمائینگءَ كه « صحابیانی مقصد چه إے سكیانی برداشت كنگءَ بس اللهءِ‌رضایت أت » پرمائینتی: صحابه ماں اخلاصءَ هں بے مٹ و بے درورإتنت. اولیا و صالحاں هچ وڑءَ نتوان أنت كه ماں اخلاصءَ په صحابیانی مقامءَ برس أنت. آیانی هدف و واهگ بس اللهءِ‌رضایت أت. وهدے كه حضرت ابوبكر صدیق-  رضی الله عنه -ماں غارءِ ثورءَ، گوں رسول الله و په آئیءِ خاطرءَ وتی خطر و مشكلانی آماچ كتگ أت، نزانتی كه یك روچے اسلامی حكومتے جوڑبیت و آئی رند چه پیغمبرءَ مسلمانانی خلیفه بیت. وهدے كه حضرت علی-  رضی الله عنه - ماں هجرتءِ شپءَ پیغمبرءِ جاهءَ وپت، نزانتی كه رندءَ پیغمبرءِ‌ زامات  و مسلمانانی خلیفه بیت. وهدے كه حضرت عثمان-  رضی الله عنه -ءَ هجرت كت نزانتی كه یك روچے مسلمانانءَ حكومتے بیت و آئی رند چه حضرت عمر-  رضی الله عنه -ءَ مسلمانانی خلیفه بیت. روچے كه 313نفر، قریشءِ لشكرءِ‌دیما اوْشتات أنت نزانت إش كه كافرانی لشكر پروش وارت و هپتاد نفر چه آیاں اسیر بیت و بازینے كشگ بیت. بے شك إے بزرگاں چه آیوكیں احوالءَ سهیگ نه إتنت بلئے بس په اللهءِ رضاءَ كارإش كت.

زاهدانءِ اهلسنتءِ جمعهءِ پیشنمازءَ دیمءَ چیزے چه حضرت عثمانءِ فضایلی بیان كت و پرمائینتی: حضرت عثمان -  رضی الله عنه -چنت برءَ بهشتءِ بشارت دیگ بوت. اگرچه خداءَ سرجمیں اصحاب، بهشتءِ بشارت داتگ أنت بلئے پیغمبر- صلی الله علی وسلم-ءَ چنت رندءَ حضرتءِ عثمانی نام گپتگ و بهشتءِ بشارتی داتگ. یك رندے وهدے كه حضرت عثمانءَ ماں "جیش العسره"ءَ مسلمانانی 300هشتر دات، مهترءَ بهشتءِ بشارت دات.

حضرت عثمانءَ یك چاتے كه وشیں آپی هست أت گپتی وپه مسلمانانی وقف كت كه چه پیغمبرءِ زبانءَ بهشتءِ بشارت آئیءَ رس إت. همے پیمءَ مهترءَ 10صحابیءِ‌نام گپت وآیانی بهشتءِ بشارت دات كه حضرت عثمان گوں آیان هورأت. إے انساناں نیكیں انسان إتنت كه ما نتوانیں وتی واجه و رهشون و سروكاں په آیاں قیاس بكن إیں و گوں آیاں یك بكن إیں.

دارالعلوم زاهدانءِ مدیرءَ دیمءَ پرمائینت: مسلمانانی گرپتاری و مشكلانی سوب إشنت كه چه صحابه واهل بیتءِ راهءَ دور بوتگ أنت. آیانی نامءَ په وشی گرأنت بلئے آیانی راهءَ نروأنت. نگبهتیءِ راه بس إشنت كه آیانی وڑءَ قرآن و سنتءِ سرا عمل بكن إیں. هماوڑءَ كه آیاں یكادگرءَ كمك كت و گوں براتیءَ زندإش گوازینت ما هں وتی براتی وتپاكیءَ حفظ بكن إیں.

مولانا عبدالحمیدءَ  ماں وتی گپانی آسرءَ گوں اشاره په دهه فجرءِ آیگءَ پرمائینتی: ماں إے روچاں ایرانءِ راج په وتی پیروزی و سوبیں بوگءَ نزیك بوگاإنت. اسلامی انقلاب اولی انقلاب أت كه مسلماناں گوازینت. جهانءِ پهكیں واك و قدرتاں كه چه شاهءَ حمایت إش كت حیران بوت أنت كه چتو یك ملت وراجے گوں خالیگیں دستاں، یك زوراك و مزن واكیں حكومتےءِ‌دیمءَ پیروزبوت. إشی، اسلامی آگاهیءِ بنگیج ماں اسلامی ملكان أت، بلئے مروچی زوراك لوٹیت كه مسلمانانی انقلابءَ چه بین ببارت.

بلوچی سنی آنلاین




بُن گپ: جمعهءِ وعظان، 
ٹَـپـّه یاں : شیخ الاسلام مولانا عبدالحمید، مسجدمکی، خطبه های نماز جمعه، دارالعلوم زاهدان،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ