تبلیغات
چیهال - اهلسنتءِ دینی زانتكار، مولانا عثمان یارخان ترور بوت
چیهال
سبزبات بلوچی باندا نه مروچی


اهلسنتءِ دینی زانتكار، مولانا عثمان یارخان ترور بوت

فرقه إے اختلاف وجنجالاں ماں پاكستانءَ گیش بوان أنت، ماں نوكتریں حالے آتكگ كه لهتے نامعلومیں سلاح پوشءَ مولانا عثمان یارخان كراچیءِ دارالخیرءِ مدرسه ءِ كارمستر شهید كتگ.

په إیرانءِ اهلسنتءِ حال رسانی مركز،سنی آنلاینءِ حالكاریءَ، مولانا عثمان یار خان و3 نفر چه آئیءِ همراهاں ماں كراچیءِفیصل شهرءِ شاهراهءَ ترور بوت أنت. إے اتفاق جمعه 27دی وهدے پیش آتك كه مولانا عثمان یار خان رند چه "حزب جمعیت علمای اسلام"ءِ دیوانءَ په وتی لوگءَ پچ ترگا أت. پاكستانءِ سیاسی ومذهبی سروكاں إے پیش آمد سك محكوم كتگ وچه پاكستانءِ حكومت إش لوٹتگ كه باید هرچے زودتر مولانا عثمان یار خان وإے دگه عالم وطالبانی جنوكاں دزگیر ببنت و وتی شومیں سزاءَ رسینگ ببنت.

مولاناعثمان یارخان، مولانا اسفندیار خانءِ چك،وكراچیءِ دارالخیرءِ مدرسه ءِ كارمستر أت.

 اهلسنتءِ بازیں عالمے ءَ چوشكه مولانا سلیم الله خان وقاری حنیف جالندهریءَ إے حادثه محكوم كتگ و قاتلانی بندكنگءِ لوٹوك بوتگ أنت.

گوشگی إنت كه گڈی ماهاں اهلسنتءِ بازیں عالمے چوشكه مولانا زرین ماں كراچی، مفتی منیر احمد ماں اسلام آباد، مولانا عبدالحمید خالد ماں سرگودهاو مولانا شمس الرحمن معاویه ماں لاهورءَشهید كنگ بوتگ.

پاكستانءِ رسانكاں حال داتگ كه رند چه إے حادثهءَ زیارت كنوكیں شیعیانی  اتوبوسے ماں ایالت بلوچستانءَ مستونگ نزیكیءَ بمب تراكءِ آماج بوتگ و22نفر كشگ بوتگ.

 سنی آنلاین بلوچی




بُن گپ: حالءُ احوال،  دلپدردی، 
ٹَـپـّه یاں : ترور مولانا عثمان یارخان، اخباراهلسنت، اخبارپاکستان، کراچی، علمای اهلسنت، بلوچستان، جمعیت علمای اسلام،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ