تبلیغات
چیهال - شارون؛صبراءُ شاتیلاءِ قصاب بیراں بوت
چیهال
سبزبات بلوچی باندا نه مروچی


مرتبه
وهد : پنجشنبه 26 دی 1392

شارون؛صبراءُ شاتیلاءِ قصاب بیراں بوت

آریل شارون ، صبراءُ شاتیلاءِ قصاب كه ماں سال 2006ءَ په مغزی سكتهءِخاطرءَ تستگءُ بے سار بوتگ أت، رند چه 8سال بے ساری ءُ بیمارستانءِ تخت سرا كپگ، دوشنبه ‍(11ژانویه، 21دی) ماں 25 سالگیءَ بیرانءُ سكٹ بوت.

په فلسطینءِ حال رسانی مركز حالكاریءَ نقل چه عبری روچتاك "هاآرتص" ، آریل شارون اسرائیلءِ پیسرتریں نخست وزیر كه 8سال پیش گوں سكته مغزیءَ بے سار بوتگ أتءُ ماں بیمارستانءِ تل هاشومر، تل آویوءِ نزیكءَ بستری أت چه بین شت.

شارون چه آ وهد تا هنو نیم سار أتءُ تهنا گوں گلكوس(سرم)ءِ چارینگءَ زندگ أت ، ماں سال 2011ءَ گوں آئیءِ لوگءِ مردمانی واهگءَ شارون لوگءَ برگ بوت، بلے چه جاندراهیءَ نشانے نهت.

آریل شارون ماں سپتامبر 1999ءَ رند چه نتانیاهوءِ كركشگءَ چه حزبءِ لیكود ءِ رهبریءَ، إے حزبءِ رهبر بوت. شارون ماں سال 2000ءَمسجد الأقصیءَ مان بوت كه همے خاطرءَ بازیں كشتءُ كشارے مسلمانانیءُ رژیم صهیونیستیءِ میانءَ پیش آتك. همے پیمءَ ماں سپتامبر ءِ سال 2000ءَ په نخست وزیریءَ نام نبیسی كتءُ گوشتی:  اگه من رأیان ءَ بكٹاں گڑا من 100 روچ فلسطینیانءَ پروش دیانءُ إسرائیلءِ جاگاهءَ ماں ملكءِ تها گیشتر برجاه كناں.

ماں فوریهءِ 2001ءَ په نخست وزیریءَ گچین بوت.

شارونءِ نخست وزیریءِ زمانگءَ بازیں فلسطینی رهبرءُ سانڈے چوشكه شیخ احمد یاسینءُ عبدالعزیز زنتیسی شهید بوت أنت.

لهتے چه شارونءِ مزن تریں ظلمءُ جوراں إشنت:

-         "قبیه" ءِ مرمانی كشتار ماں سال 1953.

-         مصری اسیرانی شكنجهءُ كشگ ماں سال 1967.

-         حمله په بیروت ماں سالءُ 1982.

-         صبراءُ شتیلاءِ مردمانی بیران كنگ ماں سال 1982.

-         حمله په مسجد الأقصی ماں سال 2000.

سرچمگ: بلوچی سنی آنلاین




بُن گپ: حالءُ احوال،  دگنیاءِ حالان، 
ٹَـپـّه یاں : درگذشت شارون، مردن شارون، قصاب صبرا، فلسطین، زبان بلوچی، وفات شارون، شارونءِ بیران بوگ،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ