تبلیغات
چیهال - مولانا عبدالحمید: مالءِ خرچ کنگ ماں گناهءُ معصیتءِ راهءَ بدتریں اسراف إنت
چیهال
سبزبات بلوچی باندا نه مروچی


مولانا عبدالحمید: مالءِ خرچ کنگ ماں گناهءُ معصیتءِ راهءَ بدتریں اسراف إنت

مولانا عبدالحمیدءَ ماں جمعهءِ نمازءِ گپاں گوں تاکیدپه پهریزگ چه اسرافءَ ماں هرتکءُ پهناتے، مالءِ خرچ کنگ ماں گناهءِ راهءَ بدتریں اسرافی زانت.

زاهدانءِ جمعهءِ پیشنمازءَ (13-دیماه-1392)ءِ  جمعهءِ نمازءِ گپانی گوں إے آیهءِ وانگءَ «وآت ذاالقربی حقه  والمسکین وابن السبیل ولا تبذر تبذیرا » بنگیج کتءُ پرمائینتی: قرآن مجیدءَ اسراف کنوکاں «اخوان الشیاطین» (شیطانءِ براتاں) گوشتگ. هانیں که اسراف یک وڑیں ناشگری إے په نعمتان إنتءُ کسے که اسراف کنت، شیطانءِ وڑءَ ناشگرءُ بے منتے هست إنت.لهتے مفسرءَ إے آیت إے وڑءَ گیشوارکتگ که هما پیمءَ که شیطان وتی عقل وشیءِ سرءَ کارنگپت، انسانے که اسراف کنت آئی هں وتی عقل شریں راهاں کاربندنکنت.

واجهءَ دیمءَ پرمائینت: گوں اپسوزیءَ مرچاں ماں زندگیءِ پهکیں تکءُ پهناتاں اسراف بوگءَ إنت. مهترعثمان رضی الله عنه ءِ ونی لوگءَ دو روشنیں چراگ دیت، واجه گوں اشی که سیریں مردے أت؛ بلئے پرمانی دات که یکیں چراگ کشگ ببیت.

زاهدانءِ اهلسنتءِ جمعهءِ پیشنمازءَ په بے پرواهی ماں آپءُ برقءِ کارمرزکنگءَ ماں لوگانی تها اشاره کتءُ پرمائینتی: إے آپءُ برق رند چه بازیں زحمتاں په ما رس أنتءُ ما وت هں چینچو په إشاں زر ریچ إیں، پدءَ هں ماں إشانی مصرفءَ بے پرواهی کن إیں. گوں اپسوزیءَ چه سرجمیں راجانی تها، ایرانءِ مردم گیشتر اسراف کن أنت.

واجهءَ دیمءَ پرمائینت: اسراف، ناداریءُ تنگدستیءُ مشکل کاریت. بدتریں اسراف مالءِ خرچ کنگ ماں گناهءِ راه إنت.

دارالعلوم زاهدانءِ مدیرءَ «میانه روی ماں زندگی»ءَ چه سوبمندیءُ کامیابیءِ سوبءُ علتاں جاه یارتءُ پرمائینتی: اقتصاد یک اسلامی تعبیرے که میانه رویءِ بزانتءَ دنت؛ هانیں انسان ماں مالءِ خرچ کنگءَ نئے بے پرواهی بکنتءُ نئے بخیلیءُ کنجوسی بکنت. اسلامءِ سوج اشنت که ماں صدقهءُ خیراتءِ دیگءَ نئے باز خرچ کنگ ببیتءُ نئے إے وڑءَ ببیت که آئیءِ لوگءِ مردم چه آئیءِ مالءَ بے بهر ببنت.

اسلامءِ تعلیم إشنت که شخص بایدإنت په وتی وسءَ خرچ بکنت.

مولانا عبدالحمیدءَ ماں وتی گپانی إے بهرءِ آسرءَ په اسراف ماں گدءُ پچءُ لوگءِ ساماں هں اشاره کتءُ چه اسرافءُ بے پرواهی ماں إے بارهءَ هں منعی کتءُ پهکانی چه اسراف کنگ ماں زندگیءِ تکءُ پهناتاں مکن کت.




بُن گپ: جمعهءِ وعظان، 
ٹَـپـّه یاں : شیخ الاسلام مولانا عبدالحمید، خطبه های جمعه، اخبار اهلسنت، اخبار جهان اسلام، ایران، سیستان وبلوچستان، زاهدان،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ