تبلیغات
چیهال - مولانا عبدالحمیدءَ سیاسی جنجالءُ گرءُ چیلانی تشبیه دیگ په جنگ جملءَ محکوم کت
چیهال
سبزبات بلوچی باندا نه مروچی


مولانا عبدالحمیدءَ سیاسی جنجالءُ گرءُ چیلانی تشبیه دیگ په جنگ جملءَ محکوم کت

واجه مولانا عبدالحمیدءَ ماں یک بهرے چه 13-دیماه- 1392ءِ جمعهءِ گپاں گوں اشاره په تشبیهے که پیسرتریں هپتگءَ ماں تهرانءِ جمعهءِ نمازءَ، سال 88ءِ جنجالانءُ جنگ جملءِ میانءَ دیگ بوتگ أت، إے تشبیهی بصیرتءُ عقلءُ اعتدالءِ خلافءَ زانت.

زاهدانءِ اهلسنتءِ جمعهءِ پیشنمازءَ پرمائینت: گوستگیں هپتگءَ لهتے دیوان په «بصیرتءِ دیوانانی» نامءَ دارگ بوت. ماں إے دیوانءُ مراگشاں هنچیں گپ پیش کنگ بوتگ، ما همے مارإت که لهتے بصیرتءِ بارهءَ افراط کنگءَ إنت، بصیرتءِ بزانت، آگاهیءُ میانه رویءُ عدالت إنتءُ چه افراطءُ تفریطءَ درإنت؛ بلئے گوں اپسوزیءَ لهتے ماں وتی گپاں هنچو دگرانی سرءَ ارش کن أنت که افراطءُ ترندرویءَ دچار کپ أنت.

مولانا عبدالحمیدءَ په یکے چه تهرانءِ جمعهءِ نمازءِ بیان کنوکانی گپءَ که سال88ءِ جنجالءُ گرءُ چیلانی په جنگ جملءَ تشبیه داتگ أت اشاره کتءُ پرمائینتی: یکے چه تهرانءِ جمعهءِ نمازءِ بیان کنوکاں، گوستگیں هپتگءَ، سال88ءِ جیڑهءُ جنجالانی په جنگ جملءَ که اسلامءِ بدواهءَ یهودءُ عیسائی یاں، واجه رسول اللهءِ اصحابءَ گوں یکادگرءَ میڑینت، تشبیه داتءُ ام المؤمنین عایشهءِ نامی گپت. ماں جاورے که إے دوئیں واقعه یانءَ گوں یکادگرءَ هچ همگرنچی نیست.

زاهدانءِ اهلسنتءِ جمعهءِ پیشنمازءَ یک لمبے چه حضرت عایشهءِ مناقبءُ فضیلتاں اشاره کتءُ پرمائینتی: إے قران مجیدءِ ٹِکیں گوشگ إنت که: « وازواجه امهاتهم » حضرت عایشهءُ مهترءِ إے دگه لوگ بانکاں، مومنانی مات أنتءُ هچ مسلمانے حضرت عایشهءِ ماتیءَ ردکت نکنت.

واجهءَ دیمءَ گوشت: إے وڑیں تشبیهانی آرگ، عقلءُ راستیں فکرءُ اعتدالءِ خلافءَ إنتءُ افراط زانگ بیت. انقلابءِ مزن رهشونءَ هں هر پیمیں ایرجنگءُ بدگوشی په ازواج مطهرات، پیغمبرءِ اصحابءُ اهلسنتءُ إے دگه اسلامی پاٹاں حرام جارجتگ.

گڑا منی سوج په کسانے که فرقه إیءُ جناحی اختلاف إش هست إشنت که إے مسایلءِ هیالداریءَ بکن أنتءُ وتی اختلافءُ جیڑه یاں گوں اسلامءِ اولی بزرگاں بندوک مکن أنت.

دارالعلوم زاهدانءِ مدیرءَ دیم گور په سرجمیں جناحءُ پاٹاں کتءُ پرمائینتی: ما را گوں هچ پاٹءُ گَلےءَ همگرنچی نیست، بلکیں ما پهکیں پاٹءُ حزبءُ مسلمانانی خیرءِ لوٹوک إیں.

همے واستا منی جرندءِ سوج په سرجمیں پاٹاں، چه اصلاح لوٹءُ اصول پسنداں إشنت که إے جناحی جیڑهءُ جنجالاں یک کرءَ کن إتءُ په ملکءِ آباتیءُ اسلامءِ دیمرویءَ دلگوش کن إت. بایدإنت که جیڑهءُ جنجالاں گوں عقلءُ منطقءُ قانونءَ حلءُ فصل ببنتءُ نباید ما براتیءُ تپاکیءَ بشموش إیں.

سرچمگ: شیخ الاسلامءِ رسمی سایت

 

 




بُن گپ: جمعهءِ وعظان،  حالءُ احوال، 
ٹَـپـّه یاں : مولانا عبدالحمید، تشبیه فتنه88به جنگ جمل، شیخ الاسلام، مسجد مکی،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ