تبلیغات
چیهال - ذمه دارانی آیگ په سیستانءُ بلوچستانءَ، دولتءِ خاصیں دلگوشی په إے استان إنت
چیهال
سبزبات بلوچی باندا نه مروچی


ذمه دارانی آیگ په سیستانءُ بلوچستانءَ، دولتءِ خاصیں دلگوشی په إے استان إنت

مولانا عبدالحمیدءَ ماں بهرے چه وتی گپاں ماں جمعهءِ نماز(6دیماه1392)ءَ په ملكءِ ذمه دارانی آیگ په استان سیستانءُ بلوچستانءَ اشاره كتءُ إے چیزی دولتءِ خاصیں دلگوشی ماں إے استانءَ زانت.

زاهدانءِ اهلسنتءِ جمعهءِ پیشنمازءَ پرمائینت: گوستگیں هپتگءَ ملكءِ بازیں ذمه دار منجمله ڈاكٹرنوبختءُ همے پیمءَ حجت الاسلام یونسی، راجكماشءِ خاصیں دستیارماں راجءُ مذهبانی امورءَءُ دگه لهتے عزیزیں ذمه دار په سیستانءُ‌بلوچستانءَ آتك أنت كه إشاں پهكاں تدبیرءُ امیتءِ خاصیں دلگوشی په استان إنت.

واجهءَ دیمءَ گوشت: لهتے استان كه پیسرءَ محروم بوتگ أنت، هنو چه سیریں استانان أنت؛ بلے سیتانءُ‌بلوچستان انگتءَ چه زبهریں استانان إنت په إے علتءَ كه چهصنعتءُ كارجاهاں بے بهرإنت.

مولاناعبدالحمیدءَ په لهتے چیریں استعداداں اشاره كتءُ‌پرمائینتی: سیستانءُ بلوچستانءِ استانءَ چیریں استعداد هست كه اگر كارگرگ ببنتءُ مسئولاں گیشتر دلگوش بكن أنت گڑا إے استان زوت دیمروی كنتءُ حنی توانیت ملكءِ مركزببیت.

واجهءَ پرمائینت: انسانی واكءُ كاربلدیں مردماں چه إے استانءِ مزنیں استعدادان أنت كه اگاں په آیاں دلگوش كنگ ببیت استانءَ تبدیل كت كن أنت.

شیخ الاسلامءَ دیمءَ " روحانیءِ گیشتر دلگوش دیگ"ءُ "سفر په استان سیستانءُ بلوچستان"ءَ لوٹوك بوتءُ پرمائینتی: هما پیمءَ كه شما چه دولتءِ‌ دلگوش دیگ په إے استانءَ سهیگ إت مئی واهگ همش إنت كه گیشتر دلگوش بكنتءُ همے زوتاں إے استانءَ بیئیت.

واجهءَ إے استانءِ مردماںءُ اهلسنتءِ بارهءَ پرمائینت: إے استانءِ مردماںءُ اهلسنت راستینءُ براتیءِ راهءِ سرءَ أنتءُ چه افراطءُ شدتءَ دورأنت.

مولانا عبدالحمیدءَ ماں آسرءَ پرمائینت: ایرانءِ مردم شیع ببنت یا سنی بایدإنت چه ترندرویءُ افراطءَ دوری بكن أنتءُ په ملكءِ آباتیءُ سرسبزیءَ گوں یكادگرءَ تپاك ببنتءُ دلگوش بكن أنت كه دورچاریءُ سعه صدر چه فهیمیں راجءُ قومانی خصوصیتان إنت.

 




بُن گپ: جمعهءِ وعظان، 
ٹَـپـّه یاں : شیخ الاسلام مولاناعبدالحمید، بیانات جمعه، زبان بلوچی،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ