تبلیغات
چیهال - انسانءِ ارزش په آئیءِ ایمان، تقواءُ خداترسیءِ اندازه إنت.
چیهال
سبزبات بلوچی باندا نه مروچی


انسانءِ ارزش په آئیءِ ایمان، تقواءُ خداترسیءِ اندازه إنت.

شیخ الإسلام مولانا عبدالحمیدءَ په نفسءِ اصلاحءَ تأكید كتءُ انسانءِ ارزشی ماں ایمانءُ تقواءُ خداترسیءَ جاه آرت.

زاهدانءِ اهلسنتءِ جمعهءِ پیشنمازءَ ماں جمعهءِ گپاں(6/دیماه/ 1392)ءَ پرمائینت: مهتر رسول اللهءَ ارشاد پرمائینتگ: «الناس معادن كمعادن الذهب والفضة خیارهم فی الجاهلیة خیارهم فی الإسلام إذا فقهوا» پهكیں مردماں معدن أنت؛ هر راجءُ قومے یك معدنے شمار بیت.

قبیلهءُ ٹولیاں وڑوڑیں معدن أنت؛ بلے اختلاف بس طلاهءُ نقرهءِ اندازه إنت. چه لهتے معدنءَ طلاه در كنگ بیت ءُ چه لهتے نقره، البت هر دوئیں نقد أنت ءُ حدیثءِ بزانت هں همش إنت كه چه دراهیں مخلوقات، انساناں نقد أنت. مهتر رسولءَ  انسان په دگه معدنے چوشكه مسءُ آسنءَ تشبیه نكت، بلكیں بس په طلاهءُ نقره تشبیه كت. پَدّر بیت كه انسان چه إے دگه موجوداتءَ گیشتر ارزش داریت.

واجه ماں إے حدیثءِ گیشءُ گیوارءَ پرمائینت: دلگوش كرزیں گپ إشنت وهدے كه طلاهءَ چه معدنءَ در كن أنت آ شمش نهنت، بلكیں بایدإنت ماں كوره ءَ آپ كنگ ببیت تا كه ڈوكءُ هاك چه آئیءَ جدا ببنت. همے پیمءَ انسان وهدے كه چه ماتءَ بیت خالصءُ زگر نه إنت ، بلكیں بایدإنت تزكیهءُ اصلاح ببیت تا كه ردیں اخلاق چه آئیءِ وجودءَ در ببنتءُ ناخالصیانی دور كنگ ببنت.

 واجهءَ دیمءَ پرمائینت: انسان خداءِ گورءَ همینچو ارزش داریت كه چه پرشتگاں دوستناكترإنت.

 خداءَ انسان كرامتءُ مزن شانی بكشایتگ. مومنیں انساناں چه پرشتگاں دوستناكترأنتءُ خاصیں بندگاں چه خاصیں پرشتگاں دوستناكترأنت. مهتر محمدءُ إے دگه نبیانی جاگه چه مقربیں پرشتگاں برزترإنت.

زاهدانءِ اهلسنتءِ جمعهءِ پیشنمازءَپرمائینت: زمینءِ سرءَ انسانانے هست أنت كه اللهءِ گورءَ دوستناكءُ نزیك أنتءُ لهتے دگه انسان هست كه خداءِ گورءَ چه حیوانءَ هں بدتر أنت .

انسانءِ ارزش په آئیءِ ایمان، تقواءُ خداترسیءِ اندازه إنت.

دارالعلوم زاهدانءِ مدیرءَ ماں إے بهرءِ گپانی آسرءَ گوں إے گپءِ بیان كنگءَ «هچیكے چه شریعتءِ پرماناں چه حكمتءَ خالیگ نه إنت» پهكانی په شریعتءِ تابعداریءَ توصیه كتءُ پرمائینتی:هچ یكے چه شریعتءِ پرماناں چه حكمتءَ خالیگ نه إنت، اگاں چه حكمتءَ خالیگ ببوتین أنت ما پدا هں اطاعت كتگ أت بلے درستاں حكمت دار أنت. عمل كنگ په شریعتءِ پرماناں انسانءَ گوں خداءَ نزیك كنت ، بلے گناهءُ معصیت انسانءِ ارزشءَ گار كنت.




بُن گپ: جمعهءِ وعظان، 
ٹَـپـّه یاں : شیخ الاسلام مولانا عبدالحمید، مسجدمکی، بیانات جمعه، خطبه های جمعه، زبان بلوچی،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ