تبلیغات
چیهال - ملکءِ مردم گوں هر ناامنیءُ شدتءَ مخالف أنت
چیهال
سبزبات بلوچی باندا نه مروچی


ملکءِ مردم گوں هر ناامنیءُ شدتءَ مخالف أنت

مولانا عبدالحمیدءَ ماں وتی جمعهءِ گپانی گڈی بهرءَ(آذرماه- 29- 1392)ءَ گوں اشاره په سئے مرزدارءِ شهیدبوگءَ ماں سراوانءِ سیمسرءَ پرمائینتی: ماں گوستگیں هپتگءَ سئے نفر چه پلیں مرزداراں که ماں سیمسری نوارءَ روا کنگاإتنت گوں بَـمباری إے دوچارکپت أنتءُ شهیدانی کاروانءَ هواربوت أنت.

زاهدانءِ اهلسنتءِ جمعهءِ پیشنمازءَ گوں إے کارءِ محکوم کنگءُ ردگوشگءَ پرمائینتی: مئی جار همش إنت که إے ملکءِ مردم چه دینی زانتکاراں، کماشاں، وانوگرءُ هریکے چه إے مردماں شدتءَ ردکن أنتءُ گوں هر ناامنیءَ سک مخالف أنت.

واجهءَ تاکید کت: منطقهءِ پهکیں مردم آرامشءُ امنیتءِ لوٹوک أنتءُ براتیءُ تپاکیءِ رندءَ أنتءُ په استانءِ دیمرویءُ آبادیءَ جهد کنگاأنت.

الحمدلله هنو گوں تدبیرءُ امیتءِ دولتءِ سرکارآیگءَ مئی استان دیم په آبادیءُ توسعهءَ گام جنان إنت.

مولانا عبدالحمیدءَ دیمءَ پرمائینت: خداءِ شگرإنت نوکیں سرکاراں لوٹ أنت که گوں شورءُ مردمداریءُ گوں مردمانی همکوپگیءَ استانءَ آباد بکن أنت.

پمشا ماں إے پیمیں جاوراں مارا گیش چه پیشءَ په امنیتءُ آرامیءَ نیاز هست.

مئی امیت همش إنت که خداوند هر وڑیں  ملکیءُ درملکی ناامنیاں بُنسوچ بکنت.

 زاهدانءِ اهلسنتءِ جمعهءِ پیشنمازءَ ماں آسرءَ پرمائینت: ما په استانءِ دیمی حالاں باز امیدوارإیںءُ مئی دعا همش إنت که إے استان آبادترءُ سبزتربباتءُ مئی آزاتیءُ براتی گیشتر ببات.




بُن گپ: جمعهءِ وعظان، 
ٹَـپـّه یاں : شیخ الاسلام مولانا عبدالحمید، مسجدمکی، بیانات جمعه، خطبه های جمعه، زبان بلوچی، ادبیات بلوچی،
دیم دیوک: muhammad askani
گڈسری نبشتانکاں
نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ