تبلیغات
چیهال
چیهال
سبزبات بلوچی باندا نه مروچی


مرتبه
وهد : یکشنبه 3 فروردین 1393
دیم دیوک: muhammad askani
مرتبه
وهد : چهارشنبه 27 خرداد 1394

ﺭﻣــﻀـﺎﻧـﯽ ﺍﺱ ﺍﻡ ﺍﺱ و ﮐُـﻠـَﻪ

دومی بہر

 . 1ﻣﺒﺎﺭﮎ ﺑﺎﺕ ﺗﺮﺍ ﺭﻣﻀﺎﻥﺀِ ﺁﯾﮓ، ﺍﻟﻠﻪﺀِ ﺩﯾﻢﺀَ ﭘﯿﺸﺎﻧﯿﮓﺀِ ﺳﺎﯾﮓ، ﺧﺪﺍ ﺑﮑﻨﺎﺕ ﺗﺌـــﯽ ﭼﺎﺭﮒ، ﭘﻮﺷﯿﻨﺎﺕ ﭼﻪ ﺑﻬﺸﺖﺀِ ﺟﺎﻣﮓ، ﺳﻮﺭﮐﻨﺎﺕ ﮔﻮں

ﺟﻨﺖﺀِ ﺑﺎﺭﮒ. 

ﻧﻤﺎﺯ و ﺭﻭﭼﮓ ﻗﺒﻮﻝ

2. ﺭﻣﻀﺎﻥ ﺁﺗﮑﮓ ﺑﻬﺮﮮ ﺑﺰﻭﺭ، ﮔﻨﺎﻫﺎﮞ ﺑﮑﻦ ﭼﻪ ﻭﺕﺀَ ﺩﻭﺭ، ﺑﺴﺘﮓ ﺧﺪﺍ ﺟﻬﻨﺪﻡﺀِ ﺗﻨﻮﺭ، ﻧﺸﺘﮓ ﻭﺩﺍﺭﺀَ ﺗﺌﯽ ﺟﻨﺖﺀِ ﺣﻮﺭ، ﻫُﻮﺭ ﺑﯽ ﮔﻮﮞ ﮐﺎﺭﻭﺍﻥﺀِ ﻧﻮﺭ .

ﺭﻣﻀﺎﻥ ﻣﺒﺎﺭﮎ و ﺳﺪﺍﻥ ﺳﺪ

ﻫﻨﭽﯿﮟ ﺭﻣﻀﺎﻥ ﺑﮕﻨﺪﺍتئے‏

3. ﺭﻣﻀﺎﻥﺀِ نوک ﭘﺪﺍ ﺩﺭﺁﺗﮑﮓ، ﺑﻠﮑﯿﮟ ﻋﻤﺮﺀِ ﺁﺧﺮﯼ ﺑﻬﺮﺇﻧﺖ ﮐﻪ ﺳﺮﺁﺗﮑﮓ، ﻧﺎﺩﺍﻥﺀِ ﮔﻮﺭﺀَ ﻣﺎهﺀِ ﻭﺭﭘﻪ ﻭﺭ ﺁﺗﮑﮓ، ﺩﻭﺳﺘﺎﻧﯽ ﮔﻮﺭﺀَ ﻭشیں ھﺎﻝ و ھﺒﺮ ﺁﺗﮑﮓ .

ﺭﻣﻀﺎﻥ تئے ﺳﺮﺭﯾﭻ ﭼﻪ ﻭﺷّﯽ ﺛﻮﺍﺏ

4. هاﻝ ھاﻝﺀِ ﻣﺎه ﺁﺗﮑﮓ، ﺷﯿﻄﺎﻧﯽ ﺟﺘﮓ و ﺷﺎﭘﺘﮓ، ﺗﺎﭼﯿﮟ ﻭﺗﯽ ﺑﻮﺭﺀَ، ﺭَﻣﺒﯿﮟ ﺑﯿﻨﺎ و ﮐﻮﺭﺀَ .

ﺭﻣﻀﺎﻥ ﻣﺒﺎﺭﮎ

 .5 ﻣﺮﻭﭼﺎﮞ ﺟﺎه ﻧﯿﺎﺋﮯ ؟ ﺑﻠﮑﯿﮟ ﮔﻮﮞ ﺷﯿﻄﺎﻥﺀَ ﻫﻮﺭ ﺑﻨﺪئے ککککک

محمد آسکانی/ پہرہ




بُن گپ: رمضانی اس ام اسءُ کُلَه (بلوچی)، 
ٹَـپـّه یاں : بلوچی ادب، ادبیات بلوچ، بلوچ، بلوچستان، رمضان، پیامك رمضانی،
دیم دیوک: muhammad askani
مرتبه
وهد : چهارشنبه 27 خرداد 1394

ﺭﻣﻀﺎﻧﯽ ﺍﺱ ﺍﻡ ﺍﺱ و ﮐُﻠَﻪ

(ﺍﻭﻟﯽ ﺑﻬﺮ)

 .1 ﭘﺪﺍ ﺁﺗﮑﮓ ﻣﺒﺎﺭﮐﯿﮟ ﻣﺎﻩ، ھﺪﺍ ﺑﮑﺸﺎﺕ تئے ﮔﻨﺎه، ﺁﺳﺎﮞ ﮐﻨﺎﺕ ﭘﻪ ﺗﻮ ﺟﻨﺖﺀِ ﺭﺍه.

ﻭﺷﯿﺎﻧﯽ ﻣﺎه ﻣﺒﺎﺭﮎ و ﻧﻤﺎﺯ و ﺭﻭﭼﮕﺎﮞ ﻗﺒﻮﻝ

. 2 ﻣﺒﺎﺭﮎ ﺑﺎﺕ ﺗﺮﺍ ﺭﻣﻀﺎﻥﺀِ ﺣﻠﻮﻝ، تئے ﻧﻤﺎﺯ و ﺭﻭﭼﮓ ﺑﺎﺕ اَﻧﺖ ﻗﺒﻮﻝ، ﻧﺰﺩﯾﮑﺘﺮﺑﺎتئے ﭘﻪ ھﺪﺍ و ﺭﺳﻮﻝ . ﭼﻪ ﺭﻣﻀﺎﻥﺀِ ﺑﺮﮐﺘﺎﮞ ﻣﺰﻧﯿﮟ ﺑﻬﺮﮮ

ﺑﺰﻭﺭﺍتئے، گم و ﺳﮑّﯿﺎﮞ ﻣﮕﻨﺪﺍتئے و ﺩﺭﺳﺘﯿﮟ ﻋﻤﺮﺀَ ﮔﻞ و ﺷﺎﺩ ﺑﺎﺗﮯ.

 .3 ﺭﻣﻀﺎﻥ ﺗﺮﺍ ﺳﺎﭼﺎﺕ، تئے ﮔﻨﺎﻫﺎﮞ ﭘﺎﭼﺎﺕ، ﻣَﺸَﻤُﻮﺵ ﻣﺎﺭﺍ ﻣﺎﮞ ﻭﺗﯽ ﻣﻨﺎﺟﺎﺕ.

. 4 ﺭﻣﻀﺎﻥ ﺁﺗﮑﮓ ﻭﺗﯽ ﻧﯿﮑﯿﺎﮞ ﺑﺎﺯﮐﻦ، ھﺪﺍﺀِ ﺭﺣﻤﺘﺎﮞ ﺷﻮﻫﺎﺯ ﮐﻦ، ﻭﺗﯽ ﺩﭖ ﭘﻪ ﻗﺮﺍﻥﺀَ ﺳﺎﺯ ﮐﻦ.

ﭘﺮﺑﺮﮐﺘﯿﻦ و ﭘﺮﺭﺣﻤﺘﯿﮟ ﻣﺎﻫﮯ ﭘﻪ ﺗﻮ ﻟﻮﭨﻮﮐﺎﮞ

 .5 ﺑﺸﺎﺭﺕ ﺑﺸﺎﺭﺕ ﺑﺸﺎﺭﺕ، ﮐﻪ ﺁﺗﮑﮓ ﻣﺎﻩ ﻣﻬﻤﺎﻧﯽ و ﺿﯿﺎﻓﺖ، ﺩﻭﺭﮐﻦ ﭼﻪ ﻭﺕﺀَ ﺳﺴﺘﯽ و ﮐﺴﺎﻟﺖ، ﭘﺎﮐﯿﮟ ﻗﺮﺍﻥﺀَ ﺑﮑﻦ ﺗﻼﻭﺕ، ﺳﯿﺮﮐﻦ ﺑﺰّﮔﺎﮞ ﺗﺮﺍﺩﻧﺖ ھدﺍ ﻭﺕ، ﺑﺎﺭت اَیت ﺟﻨﺖ و کنت اَیت ﺳﻼﻣﺖ.

ﻭﺷﯿﺎﻧﯽ ﻣﺎه ﻣﺒﺎﺭﮎ

6. ھﺪﺍ تئے ﺭﻣﻀﺎﻥ ﭘﺮﻧﻮﺭﮐﻨﺎﺕ، گم و ﺳﮑﯿﺎﮞ ﺩﻭﺭﮐﻨﺎﺕ، ﮔﻮﮞ ﺟﻨﺖﺀِ ﺣﻮﺭﺍﮞ ﺳﻮﺭ ﮐﻨﺎﺕ .

ﻧﻤﺎﺯ و ﺭﻭﭼﮓ تئے ﻗﺒﻮﻝ

محمد آسکانی/ پہرہ

زانتءِ کاروان

www.facebook.com/zantekarvan




بُن گپ: رمضانی اس ام اسءُ کُلَه (بلوچی)، 
ٹَـپـّه یاں : پیامك رمضانی، رمضان، بلوچی ادب، ادبیات بلوچی، بلوچستان، مكران، بلوچ،
دیم دیوک: muhammad askani
مرتبه
وهد : یکشنبه 24 خرداد 1394

امیتءَ چہ وتی زھگاں پچ مگراِیں!

 زھگ انسانءِ زندگیءِ پل اِنت. زھگ ھما مزنیں نعمت اِنت کہ پت  و ماتءَ چہ وتی جانءَ ھم دوست تراِنت. زھگءِ دوستی پتءِ گورءَ ھما کساس اِنت کہ پہ آئیءِ ھاترءَ گرمی و سارتی برداشت کنت بلئے نیلیت کہ آئیءِ زھگ دگرانی چمدار ببیت. زھگ ماتءِ دلءِ بنداِنت کہ وتی شیرکنیں وابءَ پہ آئیءَ کربان کنت.

زھگءِ تربیت

ھنچو کہ زھگ سک دوستناک اِنت ھمینچو آئیءِ رودینگ و تربیت کنگ  ھم گران اِنت.



گیشتر
بُن گپ: نبشتانك،  زهگانی تربیت، 
ٹَـپـّه یاں : تربیت فرزندان، تشویق، بلوچی مطلب، ادبیات بلوچی، بلوچی ادب، بلوچستان، بلوچ زهگ،
دیم دیوک: muhammad askani
مرتبه
وهد : پنجشنبه 21 خرداد 1394

دنیاءِ دوست‌داروكان و آخرتءِ واهَگ‌داراں

دنیاءِ دوستی و آهیر بَیَگ په آئیءِ حاصل كنگءَ، عالم و زانتكارانی دیمءَ پولنگ كنت و آیانی بیمءَ گار كنت. إے پیمیں عالمانی علم په مردماں سودمند و پركَٹ إنت، بلئے آیاں وت چه وتی علمءَ بهرے نبرأنت. إشی زانتگیں گپے كه إے عالماں، شرعءِ چراگءَ دستءَ كتگ و كرّ و گورءَ روشنی تالاں كن أنت، بلئے نباید آیانی دل په إشیءَ وش ببیت؛‌ پچے كه برے برے الله تعالی په وتی دینءِ دیمابرگءَ چه بدكاریں مردماں هم كار گیرت. هما پیمءَ كه پیگمبر صلی الله علیه و سلمءِ پرمائش إنت: «إن الله لیؤید هذا الدین بالرجل الفاجر»؛ الله تعالی، وتی دینءَ گوں بدكاریں مردءَ هم دیما بارت.

علم په بدیں عالماں حجتے

إے پیمیں عالماں باكس و كبریتءِ وڑءَ أنت كه 



گیشتر
بُن گپ: نبشتانك، 
ٹَـپـّه یاں : ادبیات بلوچی، بلوچی ادب، رجانك، شیخ سرهندی، مكتوبات ربانی، بلوچستان، بلوچ،
دیم دیوک: muhammad askani

ھدامرزی قادربکش آبسالانءِ لچہ ماں بلوچ و بلوچستانءِ توسیپءَ و آئیءِ رجانک پہ بلوچیءَ

 

" من بلوچم "، ھدامرزی واجہ قادربکش آبسالانءِ ابدمانیں لچہ اِنت کہ آئیءِ رجانک پہ بلوچیءَ پیش کنگ بیت اِنت.

 1. من بلوچم وزبلوچ مهربان گویم سخن

ازمرام وسیرت این قهرمان گویم سخن

من بلوچے آں و چہ مہروانیں بلوچءَ و چہ آئیءِ پرمڑائی و بامردیاں گپ جناں.

 2. از مکان و مسکن و مأوای حاصلخیز او

از کویر و ساحل بحر عمان گویم سخن

چہ آئیءِ سرومگیں ڈیہ و وطن و چہ آئیءِ دشت و مکرانءِ زرءِ تیابءَ گپ جناں.


 

 



گیشتر
بُن گپ: بلوچی لچهءُ شعر، 
ٹَـپـّه یاں : قادربخش آبسالان، اشعاربلوچی، شاعران بلوچ، ادبیات بلوچی، شعربلوچی، بلوچستان، بلوچ،
دیم دیوک: muhammad askani
مرتبه
وهد : شنبه 9 خرداد 1394

میانسالیں مردے و سرءِ مودانی نیلّگ بوتگ اَنت بلئے پیریءَ آئیءَ چہ حلالیں روزیگءِ درگیجگءَ مکن کت نکتگ. پادانی سرءَ اوشتاتگ و ھجّامی کنت.

ناکو وھداَیت ھست منی سرءَ ٹاپ کنئے؟

منی نیمگءَ چکی جت و گوشتی: ھو اگاں دمانے بدارئے.

دمانےءَ رند منی وار رس اِت. سیٹءِ سرءَ نشتاں و ناکو منی مودانی کسان کنگءَ لگّ اِت.

من کوٹیءِ ھاموشیءَ پروشت و جست اوں کت: اچہ تئے آ دگہ ھمکاراں کج اَنت؟

گوشتی: آیاں ھما شریں وھداں نیاینت نئے مروچی کہ آدینگ اِنت!

 تو کجءِ مردم ئے ناکو؟

گوشتی: بُندرءَ من ھارانءِ مردماں بلئے زمانگءَ منءَ پہرہءَ آرتگ.

مئے ھبرءِ رشتگ دورءَ شت تاکہ پہ بلوچستانءِ راجدپترءَ رس اِتیں.

ناکو وتی ملکءِ سرگوستءَ شر سرپداَت. گوشتی:



گیشتر
بُن گپ: نبشتانك، 
ٹَـپـّه یاں : ادبیات بلوچی، بلوچی ادب، دل‌نوشته، بلوچی نبشتانك، بلوچ، بلوچستان، مكران،
دیم دیوک: muhammad askani
مرتبه
وهد : چهارشنبه 6 خرداد 1394

مولوی عبدالحق دُرّازهی معروف بہ حقّانی درمحمّدءِ چُک اِنت. واجہ حقّانی ماں سال 1350 ہ. ق. چہ مات بوت. حقّانی ماں مستضعفېں (غریبېں) لۏگے مزن بوت. شش سالگیءِ تۏکءَ چہ ماتءِ ساهگءَ زبهر بوت. ماں پانزدہ سالگیءَ وتی دینی تحصیلاتے ماں خدا آبادان ِ پنجگور (پاکستان) مدرسہ دینی «عربیہ اسلامیہ منبع العلوم»ءِ تهءَ «قاضی نور محمد زامرانی»ءِ گْورءَ کہ چہ مزنېں عالمانِ فارغ التحصیل دارالعلومِ دیوبندءُ پاکستانءِ قاضیاَت، بنگېج کرت ءُ رند چہ مقدماتی درسانی دربرگءَ ماں سے سالءِ وهدءَ، ارادهءَ کنت کہ چہ هندوستانءِ مزنېں عالمان فایدگ بگِیرت، پمېشکا وتی تحصیلاتءِ ادامہءَ مہ مدرسہ دینی «مولانا ابراهیم بلۏچ» مشهور بہ «اولیاء» ماں «جام ننگر» هندءَ شروع کنت، رندءَ



گیشتر
بُن گپ: بلوچانی زانتكار،عالمءُ بهادران، 
ٹَـپـّه یاں : علمای بلوچ، شخصیت‌های بلوچ، نام‌آوران بلوچستان، علمای اهل‌سنت، علمای ایران، بلوچی نبشتانك، بلوچ،
دیم دیوک: muhammad askani
مرتبه
وهد : چهارشنبه 6 خرداد 1394

منءَ کماشانی دیوان باز وش بیت. آیانی دیوان یک مزنیں گنجے کہ منی پیمیں ورنایاں باز نپ دنت.

آیانی دیوانءَ ھنچیں گپ، بتل و دگہ وڑوڑیں کسہ و داستاں گوشگ بیت کہ کتابانی توکا نیست اَنت؛ پچے کہ بلوچیءِ مزنیں بہرے کماشانی سینگانی توکا اِنت.

ماں یک ھنچیں دیوانے منءَ اے بتل دست کپت:

پُچءَ پہ بوٹ دور ندینت و سیادءَ پہ واری.

اگاں اے پیمیں گپ و ھبراں نزّآرگ ببنت پہ زبانءَ و پہ بلوچ راجءَ مزنیں مڈّی اے بیت.

محمد آسکانی




بُن گپ: نبشتانك، 
ٹَـپـّه یاں : ادبیات بلوچی، بلوچی ادب، بلوچستان، كماش، بتل، بلوچی نبشتانك، بلوچی سایت،
دیم دیوک: muhammad askani
مرتبه
وهد : یکشنبه 3 خرداد 1394

یك پادشاهے هست أت كه آئیءَ دانائیں وزیرے هست أت. وزیرءَ مدام همے هبر گوشت كه هرچے كه پیش كیت مئے نپءَ إنت.

یك روچے بادشاهءَ په نیبگانی پاچگءَ كارچے لوٹ إت، پاچگءِ وهدءَ كارچءَ آئیءِ دست بُرّإت. وزیرءَ درّائینت كه پریشان مبو، إے پیش أتكگیں كار په شمئے نپءَ إنت!

بادشاه وزیرءِ إے گپءِ‌ واستا باز زهر گپت و چه آئیءَ دلگران بوت و پرمانی دات كه وزیرءَ بندیگ بكن أنت. چنت روچءَ رند بادشاه و آئیءِ همراهاں شكارءَ شت أنت. بادشاه كه اپس/اسپءِ سرءَ سوارأت و په گَلے اپسءَ چاردست پرمایگ أت كه اناگاهءَ چه وتی همراهاں سِست و جدا بوت و سری په یك جنگلے كپت. همے وهدءَ كه بادشاه په راهءِ درگیجگءَ سرسر جنگءَ أت، لهتے مردمی دیت كه یك جاگه مُچ إتنت و لوٹت إش كه په وتی هدایاں هون بریچ أنت و نذر و هیرات بكن أنت. گوں بادشاهءِ گندگءَ‌ باز وشهال بوت أنت كه مزنیں براكے(كُربانی) إے آیانءَ رستگ. گڑا بادشاه إش گپت و وتی هداءِ دیمءَ بست إش و گلائیش إتنت كه بكش أنتی كه اناگتءَ یكے چنایانی مردماں توار جت و گوشتی: اشیءِ كربانی كنگ روا نه إنت؛ إشیءِ لنكك/ چنگلءَ بچار إت كه سستگ. إشیءِ انداماں سرجم نه أنت. مردماں گوں إے هبرءِ اشكنگءَ ویل إش دات و بادشاه هم دیم په وتی شهرءَ روان بوت و پشتءَ چَكّی هم نجت. وهدے كه وتی ماڑیءَ رس إت، وزیری لوٹائینت و گوشتی: هنو من تئے هبرءِ ماناءَ سرپد بوتاں و وتی كسّهی آرت. بلے تو كه زندانءَ شتئے، إے كارءَ په تو چه نپے هست أت؟ وزیرءَ درّائینت: اگاں من بند مبوتیناں گڑا الّمءَ گوں تو همراه إتاں و آ وهدی من إش تئے جاگاهءَ كشتگ أت؛ پچے كه منی انداماں پهك سرجم أنت! گڑا بند بیگءَ هم په منءَ باز نپ هست أت.

إے كسهءِ كُله و پیگام: ستك و باور بكن إت كه هرچے هدا بلوٹیت هما بیت و هر چے پیش كیت، اللهءَ لوٹتگ و الّمءَ په شمئے نپءَ إنت.




بُن گپ: نبشتانك، 
ٹَـپـّه یاں : ادبیات بلوچی، بلوچی ادب، بلوچی نبشتانك، بلوچی سایت، اعتماد بر الله، توكل، بلوچستان،
دیم دیوک: muhammad askani
مرتبه
وهد : دوشنبه 17 فروردین 1394

الله تعالی مدام په وتی سرجمیں دینءِ دیمروی و یاریءَ، دینی زانتكار و عالم پیداگ كنت. آیانءَ په وتی دینءِ هزمت كنگءَ رهشونی كنت و آیانی عمر و وهدءِ توكا بركت عطا كنت. یكے چه إے ڈولیں شهزانتیں عالماں، ایرانءِ اهل‌سنت دوزواه و شیخ الاسلام مولانا عبدالحمیدءِ راستی باسك، مولانا احمد نارویی إنت. إے واجه ماں وتی كمّیں بلے پربركتیں عمرءَ په اسلام و مسلماناں هاسكار په بلوچستان و ایرانءِ اهل‌سنتءَ باز هزمت كرت.

پیدائش

واجه مولانا احمد نارویی، سال 1342هـ . ش ماں روایرشتی بلوچستانءِ زاهدانءِ شهرءَ پیداگ بوت. واجهءِ آریپیں پتءِ‌ نام عبدالكریم إنت.

وانگءِ بنگیج كنگ

واجهءَ بنگیجی وانگاں ماں دارالعلوم زاهدانءَ وانت و آسر كت أنت. ماں إے دینی وانگجاهءَ چه مولانا عبدالعزیز ملازاده، مفتی خدانظر و شیخ الاسلام مولانا عبدالحمیدءِ محضرءَ كٹّ و سوبی گپت.

وانگءِ رندگیری

واجهءِ علمی هینّاری انگتءَ نپرشتگ أت، گڑا په وتی زانت و علمءِ گیش كنگءَ پاكستانءَ شت و چه آ ملكءِ عالم و زانتكاراں بهری زرت و آسرءَ جامعه فاروقیهءَ مان بوت و وتی وانگی دربرت. واجهءَ پاكستانءِ تها چه مولانا عبدالغنی جاجروی و شیخ سلیم الله خان و إے دگه عالمانی زانت و علمءَ بهر زرت.

پچ‌ترّگ په وطنءَ

واجه رند چه وانگءِ دربرگءَ وتی ملكءَ آتك و اولسرءَ ماں زاهدانءِ قاسم العلومءِ دینی وانگجاهءَ په وانینگءَ گلائیش بوت. چار سالءَ ماں مدرسهءَ گوں تدریس و دینءِ هزمتءَ گوازینتی.

ماں سال 1367 هـ .شءَ شیخ الاسلام مولانا عبدالحمیدءِ لوٹگءِ پدءَ، مولانا احمد دارالعلوم زاهدانءَ شت و تاں وتی زندءِ گڈی دماناں په دینی علومءِ واهگدارانی تعلیم و تربیتءَ گلائیش بوت.

وفات

مولانا احمد رحمة الله علیه رند چه چنت سال هزمت په اسلام و مسلماناں هاسكار په بلوچ‌راجءَ، ماں 50 سالگیءَ ماں یك راهی حادثه‌إے په اللهءِ دیدارءَ شت و چه إے كوڑئیں دنیاءِ رنج و گماں راحت بوت بلے رند چه وتءَ یك جهانے برّ و ابیتكی كت.

واجهءِ لهتے نیكیں صفات و رپتاراں

مولانا احمد یك جامعیں شخصے أت، بچكندگ چه آئیءِ دپءَ هچ دور نبوت، دیم‌تهاریں مردمے نه أت، په مردمانی جیڑه‌یانی گیشینگءَ زبردستیں عالمے أت. ماں تدریس و درسءِ سمجینگءَ اللهءَ هاسیں توانایی‌إے بكشتگ أت. چه وتی چاگردءِ هال و جاوراں شر سهیگ أت و په بلوچستان و دارالعلوم زاهدان و ایرانءِ اهل‌سنتءِ مشكلانی گیشینگءَ تیارأت كه په إے هاترءَ دو رندءَ زندانءَ شت. میانه‌رویءِ كشكءِ سرءَ روان أت.

وتی گرانبهائیں وهدئے په اسلام و مسلمانانی هزمتءَ ندر كتگ أت. الله تعالی واجهءَ ماں وتی گلباگءِ برزیں ماڑیاں جاگه بدیات. هنچو بات

محمد آسكانی

سرچمگ: سنی آن‌لاینءِ سایت




بُن گپ: بلوچانی زانتكار،عالمءُ بهادران، 
ٹَـپـّه یاں : مولانا احمد نارویی، مسجد مكی، مطالب بلوچی، دارالعلوم زاهدان، وفات مولانا احمد نارویی، علمای اهل سنت، علمای بلوچ،
دیم دیوک: muhammad askani

دكتر محمد یعقوب درازهی

ﺑﻠﻮﭼﯽ ﺯﺑﺎﻥﺀِ ﮔﻤﻨﺎﻣﯿﮟ ﺯﺍﻧﺘﮑﺎﺭ، ﮈﺍﮐﭩﺮ ﻣﺤﻤﺪ ﯾﻌﻘﻮﺏ ﺩﺭّﺍﺯﮬﯽ

ﺑﻠﻮﭼﯽ ﺯﺑﺎﻥ ﻭ ﺍﺩﺏﺀِ ﻣﯿﺪﺍﻥﺀَ ﻣﺰﻥ ﻣﺰﻧﯿﮟ ﺯﺍﻧﺘﮑﺎﺭﺍﮞ ﻭﺗﯽ ﺑﻮﺭ ﺗﺎﭼﯿﻨﺘﮓ ﻭ ﭘﮧ ﻭﺗﯽ ﻣﺎﺗﯽ ﺯﺑﺎﻥﺀَ ﭼﮧ ﮬﺮﭺ ﭘﯿﻤﯿﮟ ﮬﺰﻣﺖﺀَ ﺩﺳﺖ ﺍِﺵ ﻧﺪﺍﺷﺘﮓ .ﯾﮑﮯ ﭼﮧ ﺍﮮ ﮈﻭﻟﯿﮟ ﺯﺍﻧﺘﮑﺎﺭﺍﮞ، ﮈﺍﮐﭩﺮ ﻣﺤﻤﺪ ﯾﻌﻘﻮﺏ ﺩﺭّﺍﺯﮬﯽ ﺍِﻧﺖ ﮐﮧ ﭘﮧ( ﻡ ﯼ ﺩﺭّﺍ ) ﺀِ ﻧﺎﻡﺀَ ﺯﺍﻧﮓ ﺑﯿﺖ ﺍِﻧﺖ .
ﮈﺍﮐﭩﺮﺀَ ﻭﺗﯽ ﮔﺮﺍﻧﺒﮩﺎﺋﯿﮟ ﻋﻤﺮ ﻣﺎﮞ ﺑﻠﻮﭼﯽ ﺯﺑﺎﻥﺀِ ﻭﺍﻧﯿﻨﮓ ﻭ ﺷﻮﮬﺎﺯﮐﺎﺭﯼﺀَﮔْﻮﺍﺯﯾﻨﺖ.
ﻭﺍﺟﮧ ﻣﺎﮞ 1950 ﻡ. ﻣﺎﮞ ﺳﺮﺍﻭﺍﻥﺀِ ﺑﻢ ﭘﺸﺖﺀَ ﭘﯿﺪﺍﮒ ﺑﻮﺕ ﻭ ﺑﻨﮕﯿﺠﯽ ﻭﺍﻧﮓﺋﮯ ﻣﺎﮞ ﺟﺎﻟﮏﺀِ ﺳﺮﺍﻭﺍﻥﺀَ ﺩﺭﺑﺮﺕ.
ﮬﻤﮯ ﭘﯿﻢﺀَ ﻭﺍﺟَـﮧ ﻣـﺎﮞ ﮐـﺎﻧـﺎﺩﺍ ﺀِ ﺩﺍﻧـﺸـﮕـﺎﻩﺀَ ﭘـﺮﻭﭘـﯿـﺴَـﺮﮮ ﺑـﻮُﺗَـﮓ .ﻭﺍﺟﮧﺀَ ﺍﺑﯿﺪ ﭼﮧ ﺑﻠﻮﭼﯽﺀَ ﺩﮔﮧ ﭘﻨﭻ ﺯﺑﺎﻥ، ﺍﻧﮕﺮﯾﺰﯼ، ﻓﺮﺍﻧﺴﻮﯼ، ﺍﺭﺩﻭ، ﻋﺮﺑﯽ ﻭﻋﺒﺮﯼ ﮬﻢ ﺯﺍﻧﺘﮓ .
ﻭﺍﺟﮧﺀِ ﻭﺍﻧﮕﯿﺎﮞﻭﺍﺟﮧ ﻣﺎﮞ ﺑﻠﻮﭼﯽﺀِ ﺭﻡ ﻭ ﻟﭽﮧﺀَ ﺍﺳﺘﺎﺩﮮ ﺑﻮﺗﮓ. ﭘﮧ ﺑﻠﻮﭼﯽ ﻭ ﭘﺎﺭﺳﯽ ﻭ
ﺍﻧﮕﺮﯾﺰﯼﺀَ ﮔﯿﺶ ﭼﮧ 35 ﮐﺘﺎﺑﯽ ﻧﺒﯿﺴﺘﮓ.
ﻭﺍﺟﮧﺀِ ﻟﮩﺘﮯ ﻭﺍﻧﮕﯿﺎﻧﯽ ﻧﺎﻡ :
.1 ﺭﺍﺝ ﺑﺎﮬﻨﺪ، ﻭﺍﺟﮧﺀِ ﻟﭽﮧ ﯾﺎﻧﯽ ﺩﭘﺘﺮﺀِ ﻧﺎﻡ ﮐﮧ ﮔﯿﺶ ﭼﮧ 1000 ﺗﺎﮐﺪﯾﻢ ﺍِﻧﺖ .
.2 ﺳﯿﻨﻮﮬﮧﺀِ ﺭﺟﺎﻧﮏ ﭘﮧ ﺑﻠﻮﭼﯽﺀَ ﭼﮧ ﺍﻧﮕﺮﯾﺰﯼﺀَ
.3 ﭘﺎﮐﻮﺍﻧﮕﯽ ﮐﮧ ﭼﮧ ﻋﺒﺮﯼﺀَ ﭘﮧ ﺑﻠﻮﭼﯽﺀَ ﺭﺟﺎﻧﮏ ﺋﮯ ﮐﺘﮓ
.4 ﺁﻣﻮﺯﺵ ﺯﺑﺎﻥ ﺑﻠﻮﭼﯽ ﻣﺎﮞ 10 ﺟﻠﺪﺀَ
.5 ﺗﺎﺭﯾﺦ ﺑﻠﻮﭼﺴﺘﺎﻥ ﺗﺎﮐﺒﻨﺪ ﺭﻭﭺﺀِ ﺷﻨﮓ ﮐﻨﮓ
ﻭﺍﺟﮧﺀَ ﻣﺎﮞ ﮐﺎﻧﺎﺩﺍﺀَ ﯾﮏ ﺑﻠﻮﭼﯽ ﺗﺎﮐﺒﻨﺪﮮ ﭘﮧ ﻧﺎﻡﺀِ " ﺭﻭﭺ " ﭼﺎﭖ ﻭ ﺷﻨﮓ ﮐﺖ.
ﻭﻓﺎﺕ
ﻭﺍﺟﮧﺀَ 8 ﻓﺮﻭﺭﯼ 2006ﻡ . ﻣﺎﮞ ﮐﺎﻧﺎﺩﺍﺀَ ﺍﮮ ﮐﻮﮌﺋﯿﮟ ﺩﮔﻨﯿﺎﺋﮯ ﯾﻠﮧ ﺩﺍﺕ.
ﺍﻟﻠﮧﺀِ ﺭﮔﺎﻣﯿﮟ ﺭﺣﻤﺘﺎﮞ ﻭﺍﺟﮧﺀِ ﺳﺮﺀَ ﺳﺎﭼﺎﮞ ﺑﺎﺕ ﺍَﻧﺖ.
ﺳﺮﭼﻤﮓ :
ﺍﮮ ﻧﺒﺸﺘﺎﻧﮏﺀِ ﮔﯿﺸﺘﺮﯾﮟ ﺑﮩﺮ ﭼﮧ ﻭﺍﺟﮧ ﻣﺤﻤﺪ ﺻﺪﯾﻖ ﺩﮬﻮﺍﺭﯼﺀِ ﻧﺒﺸﺘﺎﻧﮏﺀَ
ﺭﺟﺎﻧﮏ ﺑﻮﺗﮓ ﻭ ﺍﺩﺑﯽ ﺣﮑﯿﻢﺀِ ﮬﻢ ﺭﮬﺸﻮﻧﯿﺎﻧﯽ ﻣﻨﺘﻮﺍﺭ.

★ ﺷﻨﮕﮑﺎﺭ : ﺯﺍﻧﺖﺀِ ﮐﺎﺭﻭﺍﻥ★




بُن گپ: بلوچانی زانتكار،عالمءُ بهادران، 
ٹَـپـّه یاں : بلوچ نام آوران، شخصیتهای بلوچ، نویسندگان بلوچ، مشاهیر بلوچ، دكتر محمد یعقوب درازهی،
دیم دیوک: muhammad askani
مرتبه
وهد : جمعه 1 اسفند 1393

بلوچی زبانءِ نبشتاری دور

هر راج و قومےءِ جهد همیش إنت كه وتی دود و ربیدگءَ جهانءَ پیش بداریت و وتی آیوكیں پدریچ(نسل)ءِ همگرنچیءَ گوں راجی رسم و دوداں مهر بكنت. شرتریں راه په رسم و دودانی انتقال دیگءَ زبان إنت. آ راجےءَ كه وتی زبان زندگ داشتگ، آئیءِ نام ماں راجدپترءَ درپشیت بلئے آ راجے كه چه وتی زبانءَ نادلگوش إنت آئیءَ آپ بارت و ماں زمانگءِ دنز و مجاں گار و بیگْواه بیت إنت، هنچو كه سید هاشمی گْوشیت:

راجے كه ببیت گنگ نمانیت نمانیت     مانیت په اداركے بزاں زندگءَ مردار

زبانءِ دیمروی گوں وانگ و نبیسگءَ بندوك إنت؛ پچے كه تهنا گپتار زبانءَ زندگ داشت نكنت، بلكیں نبیسگ إنت كه زبانءَ ابدمان كنت. هنو آ زبانانے كه نبیسگ و وانگ بیگاأنت كمتر بیگْواهیءِ آماچ أنت.

بلوچی زبان هں یكے چه دنیاءِ كْوهنتریں زبانان إنت كه زبانزانتیءِ‌ردءَ چه هندی و یورپی و پدءَ چه هند و ایرانی زباناں شمار كنگ بیت إنت و گوں ایرانءِ كْوهنیں زباناں باز نزیكی و سیادی داریت.

بلوچی پیسر چه نوزدهمی سدیءَ

بلوچی زبان تا نوزدهمی سدیءِ گڈسرءَ نبشتاری زبانے نبوتگ و بلوچستانءِ سركاری زبان پارسی بوتگ. بلوچیءِ تهنائیں پشت‌كپگءِ راه، شعر و لچه و بتل بوتگ أنت كه بلوچاں سینگ په سینگءَ په آیوكیں نسلاں رسینتگ أنت.

البت لهتے شاعر و ندكار وتی نبشتانكاں په بلوچیءَ نبشتگ أنت، بلئے هنوگیں وڑءَ بلوچی كتاب هر كسی دزرسءَ نبوتگ. كْوهنتریں بلوچی كتابے كه دست كپتگ عثمان كلمتی رندئیگ إنت كه ماں 1763مءَ‌نبشتگ ئی. إے كتابءِ‌بنگپ بتل، داستان و لچه إنت. دگه كتابے میر كمال خان گچكی ئیگ إنت كه ماں 1872مءَ نبیسگ بوتگ. هنو إے دوئیں كتاباں ماں لندنءِ كُهنگ‌كدگ(موزه)ءَ إیرأنت.

بلوچی زبانءِ نوكیں دور

هما پیمءَ كه گوشگ بوت بلوچی زبانءِ نبشتاری سِند(عمر) باز دراج نه إنت. گوں بیستمی سدیءِ بنگیج بیگءَ بازیں بلوچْ لچه‌كار و ندكارےءَ سما كپت كه مارا وتءَ زبانے هست، گڑا پچے اردو و پارسیءِ چمدار ببئیں؟ بلوچی زبانءَ كم كمءَ وتی راه گیشیناں كت، بلوچی لچه‌كاریءِ دیواناں بنگیج بوت أنت، بازیں لچه‌كارےءَ وتی لچه‌یاں په بلوچیءَ پربست أنت. إے كار په بلوچیءِ دیمرویءَ وشیں مستاگے أت، بلئے إے كارءَ دو ردی مان أت. یكے إے كه بلوچیءِ نبشتاری دور گوں لچه‌كاریءَ بنگیج بوت؛ یعنی بلوچاں گیشتر لچه‌كاریءِ نیمگءَ دلگوش كت، پمشا بلوچیءِ رمكاری(نثرنویسی) باز دیمروی نكت كه تا روچءِ مروچی بلوچیءِ رمكاری دلءِ تبیں منزلےءَ سر نبوتگ.

دومی ردی إیش أت كه بازیں لچه‌كارےءِ لچه‌یاں، بلوچی تام مان نیست أت و چه پارسی و اردو و عربیءِ گالاں سرریچ إتنت و آ لچه‌كار و ندكار كه لچه و نبشتانك إش زَگْرترإتنت، آیاں ماں دگه گپچلےءَ كپتگ إتنت و گوں پارسیءِ سیاهگ(رسم الخط)ءَ وتی لچه و نبشتانك إش نبشت أنت.

مولانا خیر محمد ندوی و سید ظهورشاهءِ دور

إے نگیگیں جاور گوں وتی ترندیءَ جاری أت تا كه هاوندءَ بلوچیءَ پگرمند و مزن سسائیں جهدكار بكشاإت. یكے چه إشاں خیر محمد ندوی و آ دگه سید هاشمی أت.

إے دوئیں شهزانتانی زحمتاں په بلوچیءَ هچبرءَ شموشگ نبنت؛ مولانا خیر محمد ندویءَ گوں تاكبند(مجله)«سوغات»ءِ چاپ و شنگ كنگءَ بلوچیءِ رمكاریءَ وشیں وڑےءَ دیمابرت كه په بلوچْ‌راجءَ مزنیں مڈی إے أت .

سیدهاشمیءَ بلوچی سیاهگءِ راست كنگءِ واستا باز جهد كت و بلوچی سیاهگ ئی چه اردو و پارسیءِ سیاهگاں جدا كت. إے بارهءَ سیدءِ كتاب «بلوچی سیاهگءِ راست نبیسگ» باز ستا كرزیت. همے پیمءَ بلوچی زبان ئی چه عربی و پارسی گالاں ساپ و پلگار كت. سید گوشیت: من مزنیں جهدے كت كه بلوچی لچه‌كار و ندكار وتی لچه‌یاں چه إے رنگیں پولنگاں به‌پهریزأنت.

سید دگه جاهے وتی جهدانی برورد إے پیمءَ درشاں كنت: بلوچیءِ نوكیں لچه‌كاری كه بے‌رهبندیءِ گورگندان أت، انّوں په یك انچیں جوانیں سیم‌سرےءَ رسگی إنت كه باز زوت وتی سرجمیءِ جارءِ‌پرینگءَ دیمءَ كنزإت كنت.

سید هاشمی بلوچی سیاهگءِ راست نبیسگءِ اهمیتءِ بارهءَ پرمائینیت: إے زانتگیں گپے دانكه یك زبانےءِ نبیسگءِ رهبنداں نه‌گیشین‌ئے آ زندمانیءِ گرانیں بارءَ زرت نكنت.

گُڈی گپ

جی هو! بلوچی زبان، پاكیں خداءِ‌قیمتی دادإنت كه بے مئی لوٹگءَ مارئی بكشاتگ. إے مزنیں نعمتءِ شگرءِ اداكنگ إشنت كه ما وتی ماتی زبانءَ چه بیگْواهیءَ به پهریزایں. منی گپءِ بزانت إے نه إنت كه ما عربی و پارسی و دگه زبانانی یات‌گرگءَ كوشست مكنیں، زبانانی یات گرگ شرإنت، بلئے پیسرءَ انسان بایدإنت وتی ماتی زبانءَ شر بلد ببیت؛ پچے كه زبان، راجءِ مستریں پَجّارإنت. اگاں زبان چه دستءَ شت بزاں په راجءَ دگه چیزے پشت نكپتگ.

سرچمگاں:

1- بلوچی سیاهگءِ‌راست نبیسگ، سید ظهورشاه هاشمی

2- عبدالسلام بزرگزادهءِ نبشتانك: سیر تحول شعر و ادبیات بلوچی

3- مصطفی دانشورءِ نبشتانك:كتابت در زبان بلوچی

 




بُن گپ: بلوچستانءِ تاریخ،  نبشتانك، 
ٹَـپـّه یاں : زبان بلوچی، تاریخچه ربان بلوچی، زبان و ادبیات بلوچی،
دیم دیوک: muhammad askani
مرتبه
وهد : چهارشنبه 8 بهمن 1393

 بقره: 6 تا 12ءِ پاگپاں

بِسْمِ اللَّهِ الرَّحْمَنِ الرَّحِیمِ

شروع كناں گوں اللهءِ نامءَ بے اندازه مهربان إنت و مزن رحم كنوك إنت

إِنَّ الَّذِینَ كَفَرُواْ سَوَاءٌ عَلَیْهِمْ أَأَنذَرْتَهُمْ أَمْ لَمْ تُنذِرْهُمْ لاَ یُؤْمِنُونَ ﴿6﴾

بے شك آ كه (ازلی) كافرأنت برابرإنت پر آیاں، توری تو آیانءَ بترسینئے یا مترسینئے آ ایمان نیارأنت.

خَتَمَ اللّهُ عَلَى قُلُوبِهمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عظِیمٌ ﴿7﴾

مهر جتگ اللهءَ شانی دلانی سرءَ و إشانی گوشانی سرءَ. و إشانی چمانی سرءَ پردگے هست إنت و په إشاں زنڈیں عذاب هست.

وَمِنَ النَّاسِ مَن یَقُولُ آمَنَّا بِاللّهِ وَبِالْیَوْمِ الآخِرِ وَمَا هُم بِمُؤْمِنِینَ ﴿8﴾

و لهتے مردم هنچشیں هست إنت كه گْوش أنت ما ایمان آرتگ اللهءِ سرءَ و قیامتءِ‌روچءِ سرءَ، حالانكه هچ مسلمان نه أنت.

یُخَادِعُونَ اللّهَ وَالَّذِینَ آمَنُوا وَمَا یَخْدَعُونَ إِلاَّ أَنفُسَهُم وَمَا یَشْعُرُونَ ﴿9﴾

دغا بازی كن أنت گوں الله و گوں مسلماناں. وكسءَ رد دات نكن أنت بید وتی جرندءَ و (هچ) سرپد نه أنت.

فِی قُلُوبِهِم مَّرَضٌ فَزَادَهُمُ اللّهُ مَرَضاً وَلَهُم عَذَابٌ أَلِیمٌ بِمَا كَانُوا یَكْذِبُونَ ﴿10﴾

اشانی دلانی تها یك مرضے هست إنت، نِی گیشتر كت اللهءَ شانی مرضءَ و په اشاں عذاب هست پردردیں چه إے سببءَ كه دروغ إش بست.

وَإِذَا قِیلَ لَهُمْ لاَ تُفْسِدُواْ فِی الأَرْضِ قَالُواْ إِنَّمَا نَحْنُ مُصْلِحُونَ ﴿11﴾

وقتے كه گوشگ بیت اشانءَ كه فساد مكن إت زمینءِ سرءَ گوش أنت ما وَ خالصیں خیركاریں.

أَلا إِنَّهُمْ هُمُ الْمُفْسِدُونَ وَلَكِن لاَّ یَشْعُرُونَ ﴿12﴾

خبردار بِبِ إت كه بے شك إے فسادكارأنت، بلے سرپد نه أنت (وتی فسادكاریءَ).  

سرچمگ: قرانءِ‌بلوچی رجانك، مولانا عبدالغنی افشانی




بُن گپ: قرانی مطالب، 
ٹَـپـّه یاں : ترجمه قرآن به بلوچی، بلوچی رجانك، رجانك،
دیم دیوک: muhammad askani

رمــضـانـی اس ام اس ءُ کُـلـَه  (بـــلــوچــی)دومی بهر

 -1مبارک بات ترا رمضانءِ آیگ، اللهءِ دیمءَ پیشانیگءِ سایگ، خدا بکنات تئـــی چارگ، پوشینات چه بهشتءِ جامگ، سورکنات گون جنتءِ بارگ.نمازءُ روچگ قبول (آمیــــــن)

2- رمضان آتکگ بهرے بزور، گناهاں بکن چه وتءَ  دور، بستگ خدا جهندمءِ تنور، نشتگ ودارءَ تئی، جنتءِ حور، هُور بی گوں کاروانءِ نور. رمضان مبارکءُ سدان سد هنچیں رمضان بگنداتے (آمیــــــن)

3- رمضانءِ ماه پدا آزمانءَ درآتکگ، بلکیں عمرءِ آخری بهرإنت که سرآتکگ، نادانءِ گورءَ ماهءِ ورپه ور آتکگ، دوستانی گورءَ وشین حالءُ خبر آتکگ.رمضان تئی سرریچ چه وشّیءُ ثواب (آمیــــــن)

4- حال حالءِ ماه آتکگ، شیطانی جتگءُ شاپتگ، تاچیں وتی بورءَ، رَمبیں بیناءُ کورءَ. رمضان مبارک.

5- مروچاں جاه نیائے؟ بلکیں گوں شیطانءَ هور بندے؟


ٹَـپـّه یاں : بلوچی اس ام اس، بلوچی پیغام، پلوچی تبریک رمضان، مبارک بات رمضان،
دیم دیوک: شاکر سربازی
مرتبه
وهد : پنجشنبه 5 تیر 1393

رمضانی اس ام اسءُ کُلَه (بلوچی)اولی بهر

1 1- پدا آتکگ مبارکیں ماه، خدابکشات تئی گناه، آساں کنات په تو جنتءِ راه.

وشیانی ماه، مبارک ءُ نمازءُ روچگاں قبول.(آمین)

2 2- مبارک بات ترا رمضانءِ حلول، تئی نمازءُ روچگ بات أنت قبول، نزدیکترباتے په خداءُ رسول.چه رمضانءِ برکتاں مزنیں بهرے بزوراتے، غمءُ سکّیاں مگنداتےءُ درستیں عمرءَ گلءُ شاد باتے(آمین)

3 3- رمضان ترا ساچات، تئی گناهاں پاچات، مَشَمُوش مارا ماں وتی مناجات.

4 4- رمضان آتکگ وتی نیکیاں بازکن، خداءِ رحمتاں شوهاز کن، وتی دپ په قرانءَ ساز کن. پربرکتینءُ پررحمتیں ماهے په تو لوٹوکاں.

5 5- بشارت بشارت بشارت، که آتکگ ماه مهمانیءُ ضیافت،دورکن چه وتءَ سستیءُ کسالت،پاکیں قرانءَ بکن تلاوت، سیرکن بزّگاں ترادنت خدا وت، بارتیت جنتءُ کنتیت سلامت.وشیانی ماه مبارک

66- خداتئی رمضان پرنورکنات، غمءُ سکیاں دورکنات، گوں جنتءِ حوراں سور کنات. نمازءُ روچگ تئی قبول.(آمین)




ٹَـپـّه یاں : بلوچی کله، بلوچی پیغام، اس ام اس بلوچی، رمضانی کله، رمضانی اس ام اس،
دیم دیوک: شاکر سربازی
گڈسری نبشتانکاں
(درستیں تاک:11)      [1]   [2]   [3]   [4]   [5]   [6]   [7]   [...]  

نبشتانکانی لڑ
همُک روچی لینک
دگه ساماں
من کلوبءِ تها

قالب وبلاگ